1 Πάντων προέχουσα ἐπιθυμία γυναικὸς ἀλλοτρίας ἢ ἀνδρὸς καὶ πολυτελείας πλούτου καὶ ἐδεσμάτων πολλῶν παταίων καὶ μεθυσμάτων καὶ ἑτέρων τρυφῶν πολλῶν καὶ μωρῶν · πᾶσα γὰρ τρυρὴ μωρά ἐστι καὶ κενὴ τοῖς δούλοις τοῦ θεοῦ . 2 αὗται οὖν αἱ ἐπιθυμίαι πονηραί εἰσι , θανατοῦσαι τοὺς δούλους τοῦ θεοῦ · αὕτη γὰρ ἡ ἐπιθυμία ἡ πονηρὰ τοῦ διαβόλου θυγάτηρ ἐστίν . ἀπέχεσθαι οὖν δεῖ ἀπὸ τῶν ἐπιθυμιῶν τῶν πονηρῶν , ἵνα ἀποσχόμενοι ζήσητε τῷ θεῷ . 3 ὅσοι δὲ ἄν κατακυριευθῶσιν ὑπ᾿ αὐτῶν καὶ μὴ ἀντίσταθῶσιν αὐταῖς , ἀποθανοῦνται εἰς τέλος · θανατώδεις γάρ εἰσιν αἱ ἐπιθυμίαι αὗται . 4 σὺ δὲ ἔνδυσαι τὴν ἐπιθυμίαν τῆς δικαιοσύνης , καὶ καθοπλισάμενος τὸν φόβον τοῦ κυρίου ἀντίστηθι αὐταῖς · ὁ γὰρ φόβος τοῦ θεοῦ κατοικεῖ ἐν τῇ ἐπιθυμίᾳ τῇ ἀγαθῇ . ἡ ἐπιθυμία ἡ πονηρὰ ἐὰν ἴδῃ σὲ καθωπλισμένον τῷ φόβῳ τοῦ θεοῦ καὶ ἀνθεστηκότα αὐτῇ , φεύξεται ἀπὸ σου μακρὰν καὶ οὐκέτι σοὶ ὀφθησεται φοβουμένη τὰ ὅπλα σου . 5 σὺ οὖν νικήσας καὶ στεφανωθεὶς κατ᾿ αὐτῆς ἐλθὲ πρὸς τὴν ἐπιθυμίαν τῆς δικαιοσύνης , καί παραδοὺς αὐτῇ βούλεται . ἐὰν δουλεύσῃς τῇ ἐπιθυμίᾳ τῇ ἀγαθῇ καὶ ὑποταγῇς αὐτῇ , δυνήσῃ τῆς ἐπιθυμίας τῆς πονηρᾶς κατακυριεῦσαι καὶ ὑποτάξαι αὐτήν , καθὼς βούλει .
