1 Ἀδιαλείπτως οὖν προσκαρτερῶμεν τῇ ἐλπίδι ἡμῶν καὶ τῷ ἀρραβῶνι τῆς δικαιοσύνης ἡμῶν , ὅς ἐστι Χριστὸς Ἰησοῦς , ὃς ἀνήνεγκεν ἡμῶν τὰς ἁμαρτίας τῷ ἰδίῳ σώματι ἐπὶ τὸ ξύλον , ὃς ἁμαρτίαν οὐκ ἐποίησεν , οὐδὲ εὑρέθη δόλος ἐν τῷ στόματι αὐτοῦ · ἀλλὰ δι᾿ ἡμᾶς , ἵνα ζήσωμεν ἐν αὐτῷ , πάντα ὑπέμεινεν . 2 μιμηταὶ οὖν γενώμεθα τῆς ὑπομονῆς αὐτοῦ , καὶ ἐὰν πάσχωμεν διὰ τὸ ὄνομα αὐτοῦ , δοξάζωμεν αὐτόν . τοῦτον γὰρ ἡμῖν τὸν ὐπογραμμὸν ἔθηκε δι᾿ ἑαυτοῦ , καὶ ἡμεῖς τοῦτο ἐπιστεύσαμεν .
