Pray for peace and forgiveness
1 Ἐὰν δέ τινες ἀπειθήσωσιν τοῖς ὑπ᾿ αὐτοῦ δι᾿ ἡμῶν εἰρημένοις , γινωσέτωσαν ὅτι παραπτώσει καὶ κινδύνῳ οὐ μικρῷ ἑαυτοὺς ἐνδήσουσιν . 2 ἡμεῖς δὲ ἀθῷοι ἐσόμεθα ἀπὸ ταύτης τῆς ἁμαρτίας καὶ αἰτησόμεθα ἐκτενῆ τὴν δέησιν καὶ ἱκεσίαν ποιούμενοι , ὅπως τὸν ἀριθμὸν τὸν κατηριθμημένον τῶν ἐκλεκτῶν αὐτοῦ ἐν ὅλῳ τῷ κόσμῳ διαφυλάξῃ ἄθραυστον ὁ δημιουργὸς τῶν ἁπάντων διὰ τοῦ ἠγαπημένου παιδὸς αὐτοῦ Ἰησοῦ χριστοῦ , δι᾿ οὗ ἐκάλεσεν ἡμᾶς ἀπὸ σκότους εἰς φῶς , ἀπὸ ἀγνωσίας εἰς ἐπίγνωσιν δόξης ὀνόματος αὐτοῦ , 3 [ δὸς ἡμῖν , κύριε ,]1 ἐλπίζειν ἐπὶ τὸ ἀρχεγόνον πάσης κτίσεως ὄνομά σου , ἀνοίξας τοὺς ὀφθαλμοὺς τῆς καρδίας ἡμῶν εἰς τὸ γινώσκειν σὲ τὸν μόνον ὕψιστον ἐν ὑψίστοις , ἅγιον ἐν ἁγίοις ἀναπαυόμενον . τὸν ταπεινοῦντα ὕβριν ὑεπερηφάνων , τὸν διαλύοντα λογισμοὺς ἐθνῶν , τὸν ποιοῦντα ταπεινοὺς εἰς ὕψος καὶ τοὺς ὑψηλοὺς ταπεινοῦντα , τὸν πλουτίζοντα καὶ πτωχίζοντα , τὸν ἀποκτείνοντα2 καὶ ζῆν ποιοῦντα , μόνον εὑρέτην3 πνευμάτων καὶ θεὸν πάσης σαρκός · τὸν ἐπιβλέποντα ἐν τοῖς ἀβύσσοις , τὸν ἐπόπτην ἀνθρωπίνων ἔργων , τὸν τῶν κινδυνευόντων βοηθόν , τὸν τῶν ἀπηλπισμένων σωτῆρα , τὸν παντὸς πνεύματος κτίστην καὶ ἐπίσκοπον · τὸν πληθύνοντα ἔθνη ἐπὶ γῆς καὶ ἐκ πάντων ἐκλεξάμενον τοὺς ἀγαπῶντάς σὲ διὰ Ἰησοῦ Χριστοῦ τοῦ ἠγαπημένου παιδός σου , δι᾿ οὗ ἡμᾶς ἐπαιδευσας , ἡγίασας , ἐτίμησας · 4 ἀξιοῦμέν σὲ , δέσποτα , βοηθὸν γενέσθαι καὶ ἀντιλήπτορα ἡμῶν . τοὺς ἐν θλίψει ἡμῶν σῶσον , τοὺς ταπεινοὺς ἐλέησον , τοὺς πεπτωκότας ἔγειρον , τοῖς δεομένοις ἐπιφάνηθι , τοὺς ἀσθενεῖς ἴασαι , τοὺς πλανωμένους τοῦ λαοῦ σου ἐπίστρεψον · χόρτασον τοὺς πεινῶντας , λύτρωσαι τοὺς δεσμίους ἡμῶν , ἐξανάστησον τοὺς ἀσθενοῦντας , παρακάλεσον τοὺς ὀλιγοψυχοῦντας · γνώτωσάν σὲ ἅπαντα τὰ ἔθνη , ὅτι σὺ εἶ ὁ θεὸς μόνος καὶ Ἰησοῦς Χριστὸς ὁ παῖς σου καὶ ἡμεῖς λαός σου καὶ πρόβατα τῆς νομῆς σου .