Car Repair Manuals

Clement of Rome
I Corinthians

κλημεντος προς κορινθιους Α

Chapter 55

Examples of love

1  Ἵνα δὲ καὶ ὑποδείγματα ἐθνῶν ἐνέγκωμεν . πολλοὶ βασιλεῖς καὶ ἡγούμενοι , λοιμικοῦ τινος ἐνστάντος καιροῦ , χρησμοδοτηθέντες παρέδωκαν ἑαυτοὺς εἰς θάνατον , ἵνα ῥύσωνται διὰ τοῦ ἑαυτῶν αἵματος τοὺς πολίτας · πολλοὶ ἐξεχώρησαν ἰδίων πόλεων , ἵνα μὴ στασιάζωσιν ἐπὶ πλεῖον . 2  ἐπιστάμεθα πολλοὺς ἐν ἡμῖν παραδεδωκότας ἑαυτοὺς εἰς δεσμά , ὅπως ἑτέρους λυτρώσονται · πολλοὶ ἑαυτοὺς παρέδωκαν εἰς δουλείαν , καὶ λαβόντες τὰς τιμὰς αὐτῶν ἑτέρους ἐψώμισαν . 3  πολλαὶ γυναῖκες ἐνδυναμωθεῖσαι διὰ τῆς χάριτος τοῦ θεοῦ ἐπετελέσαντο πολλὰ ἀνδρεῖα . 4  Ἰουδὶθ μακαρία , ἐν συγκλεισμῷ οὔσης τῆς πόλεως , ᾐτήσατο παρὰ τῶν πρεσβυτέρων ἐαθῆναι αὐτὴν ἐξελθεῖν εἰς τὴν παρεμβολὴν τῶν ἀλλοφύλων . 5  παραδοῦσα οὖν ἑαυτὴν τῷ κινδύνῳ ἐξῆλθεν δι᾿ ἀγάπην τῆς πατρίδος καὶ τοῦ λαοῦ τοῦ ὄντος ἐν συγκεισμῷ , καὶ παρέδωκεν κύριος Ὀλοφέρνην ἐν χειρὶ θηλείας . 6  οὐχ ἧττον1 καὶ τελεία κατὰ πίστιν Ἐσθὴρ κινδύνῳ ἑαυτὴν παρέβαλεν , ἵνα τὸ ἔθνος2 τοῦ Ἰσραὴλ μέλλον ἀπολέσθαι ῥύσηται · διὰ γὰρ τῆς νηστείας καὶ τῆς ταπεινώσεως αὐτῆς ἠξίωσεν τὸν παντεπόπτην δεσπότην3 τῶν αἰώνων · ὃς ἰδὼν τὸ ταπεινὸν τῆς ψυχῆς αὐτῆς ἐρύσατο τὸν λαόν ὧν χάριν ἐκινδύνευσεν .




Motor Era Blog

Auto Service Repair Manuals on Motor Era