Car Repair Manuals

Clement of Rome
I Corinthians

κλημεντος προς κορινθιους Α

Chapter 34

Let us do good in obedience to God

1  ἀγαθὸς ἐργάτης μετὰ παρρησίας λαμβάνει τὸν ἄρτον τοῦ ἔργου αὐτοῦ , νωθρὸς καὶ παρειμένος οὐκ ἀντοφθαλμεῖ τῷ ἐργοπαρέκτῃ αὐτοῦ . 2  δέον οὖν ἐστὶν προθύμους ἡμᾶς εἶναι εἰς ἀγαθοποιΐαν · ἐξ αὐτοῦ γάρ ἐστιν τὰ πάντα . 3  προλέγει γὰρ ἡμῖν · Ἰδοὺ κύριος , καὶ μισθὸς αὐτοῦ πρὸ προσώπου αὐτοῦ , ἀποδοῦναι ἑκάστῳ κατὰ τὸ ἔργον αὐτοῦ . 4  προτρέπεται οὖν ἡμᾶς πιστεύοντας ἐξ ὅλης τῆς καρδίας ἐπ᾿ αὐτῷ μὴ ἀρτοὺς μηδὲ παρειμένους εἶναι ἐπὶ πᾶν ἔργον ἀγαθόν . 5  τὸ καύχημα ἡμῶν καὶ παρρησία ἔστω ἐν αὐτῷ · ὑποτασσώμεθα τῷ θελήματι αὐτοῦ · κατανοήσωμεν τὸ πᾶν πλῆθος τῶν ἀγγέλων αὐτοῦ , πῶς τῷ θελήματι αὐτοῦ λειτουργοῦσιν παρεστῶτες . 6  λέγει γὰρ γραφή · Μύριαι μυριάδες παρειστήκεισαν αὐτῷ , καὶ χίλιαι χιλιάδες ἐλειτούργουν αὐτῷ , καὶ ἐκέκραγον , Ἅγιος , ἅγιος , ἅγιος κύριος σαβαώθ , πλήρης πᾶσα κτίσις τῆς δόξης αὐτοῦ . 7  καὶ ἡμεῖς , οὖν , ἐν ὁμονοίᾳ ἐπὶ τὸ αὐτὸ συναχθέντες τῇ συνειδήσει , ὡς ἐξ ἑνὸς στόματος βοήσωμεν πρὸς αὐτὸν ἐκτενῶς εἰς τὸ μετόχους ἡμᾶς γενέσθαι τῶν μεγάλων καὶ ἐνδόξων ἐπαγγελιῶν αὐτοῦ . 8  λέγει γάρ · Ὀφθαλμὸς οὐκ εἶδεν , καὶ οὖς οὐκ ἤκουσεν , καὶ ἐπὶ καρδίαν ἀνθρώπου οὐκ ἀνέβη , ὅσα ἡτοίμασεν κύριος τοῖς ὑπομένουσιν αὐτόν .




Motor Era Blog

Auto Service Repair Manuals on Motor Era